भारतमा निरन्तर उकालो लाग्दै कोरोना

भारतमा फेरि कोरोनाको संक्रमणदर उकालो लाग्न थालेको छ। पछिल्लो २४ घण्टामा ४ हजार २५७ नयाँ संक्रमित थपिएका छन्। यो संख्या मार्च ८ यताकै उच्च हो।

नेपाल समय | आइतबार, जेठ २२, २०७९

नेपाल समय

आइतबार, जेठ २२, २०७९

काठमाडौं- भारतमा फेरि कोरोनाको संक्रमणदर उकालो लाग्न थालेको छ। पछिल्लो २४ घण्टामा ४ हजार २५७ नयाँ संक्रमित थपिएका छन्। यो संख्या मार्च ८ यताकै उच्च हो।

यो महिनामा दोस्रो पटक नयाँ संक्रमितको संख्या ४ हजार नाघेको छ। यसअघि जुन २ मा देशमा ४ हजार ४१ जनाको रिपोर्ट पोजेटिभ आएको थियो।

शनिबार १५ कोरोना संक्रमितले ज्यान गुमाएका छन्। सोही अवधिमा २ हजार ६१२ जना संक्रमण मुक्त भएका छन्। हाल २२ हजार ६९१ जनाको उपचार भइरहेको छ।

भारतमा हालसम्म ४ करोड ३१ लाख मानिस कोरोना संक्रमित भएका छन्। जसमध्ये ४.२६ करोड निको भएका छन् भने ५.२४ लाखले ज्यान गुमाएका छन्।

केरलामा सबैभन्दा धेरै सङ्क्रमण देखिएको छ। यहाँ शनिबार १ हजार ४६५ जनाको कोरोना रिपोर्ट पोजेटिभ आएको छ।

प्रकाशित: Jun 05, 2022| 07:22 आइतबार, जेठ २२, २०७९