काठमाडौं- यू १९ नेपाली महिला राष्ट्रिय क्रिकेट टिमले मलेसियामा टस जितेर ब्याटिङ राजेको छ।
दक्षिण अफ्रिकामा पहिलो पटका आयोजना हुन लागेको यू १९ महिला विश्वकपको एसियाली छनोटको दोस्रो खेलमा नेपालले पहिला ब्याटिङ गर्ने भएको हो।
नेपालले आज ११ बजेबाट मलेसियामा सुरु भएको खेलमा यूएईको सामना गर्दैछ। नेपाल र यूएई दुवै टिम प्रतियोगिताका निकै बलिया टिम हुन्। यी दुवै विश्वकपमा पुग्ने लक्ष्यका साथ छनोटमा होमिएका छन्।
यो छनोटबाट एक टिमले मात्र विश्वकपमा स्थान बनाउने भएको छ। नेपाले पहिलो खेलमा कतारलाई ७९ रनले हराइसकेको छ। आजको खेलमा जित निकाल्न सके नेपालको विश्वकप यात्राको सम्भावना बढ्नेछ।