काठमाडौं- युरोपमा आयोजना हुने नेसन्स लिगको शुक्रबार राति सम्पन्न भएको खेलमा दुई फुटबलका शक्तिराष्ट्र पराजित भएका छन्। सन् २०१८ को विश्वकप विजेता फ्रान्स र पूर्वा विश्वनम्बर वान बेल्जियम पराजित भएका हुन्।
फ्रान्सको राष्ट्रिय रंगाला स्टेट डी फ्रान्समा सम्पन्न भएको खेलमा घरेलु टिमले पाहुना टिम डेनमार्कसँग २-१ को हार बेहोरेको हो। पहिलो हाफ गोलरहित बराबरी भएको खेलको ५१औं मिनेटमा करिम बेञ्जिमाले गोल गरेका थिए।
त्यस्तै, खेलको ६८औं मिनेटमा र ८८औं मिनेटमा ए कोर्नेलउसले गोल गरेका थिए। यससँगै फ्रान्स पराजित भयो।
अको खेलमा बेल्जियम पनि घरेलु मैदानमै पराजित भएको छ। पश्चिम ब्रसेल्सको किङ बाउडोउइन रंगशालामा सम्पन्न भएको खेलमा बेल्जियले नेदरल्यान्डसँग ४-१ को हार बेहोरेको हो।
नेदरल्यान्डको जितका लागि मेम्फिस डिपायले दुई गोल गरे। त्यस्तै, बेल्जियमका लागि मिची बाश्वायीले एक गोल फर्काएका थिए। यता बेल्जियमका लागि बाँकी गोल बेर्जविन र डम्फ्रिजले गरेका थिए।
शुक्रबार रातिकै खेलमा क्रोएसिया पनि अष्ट्रियासँग ३-० ले पराजित भएको छ। क्रोएसिया पहिलो पटक सन् २०१८ मा विश्वकप फाइनलमा पुगेको थियो। तर उसले जित निकाल्न सकेन।