प्लानिङ बोइज बी डिभिजनमा बढुवा, सी डिभिजनमै रह्यो आरसी ३२

काठमाडौं– शहीद स्मारक ‘सी’ डिभिजन लिग २०२२ मा शुक्रबार रेलिगेड ओएसिस क्लबलाई ५–० ले पराजित गर्दै प्लानिङ ब्वाइज युनाइटेड ‘बी’ डिभिजनमा बढुवा भएको छ।

एउटै समयमा दशरथ रंगशालामा खेलकुद एकेडेमी संघविरुद्धको खेल गोलरहित बराबरीमा रोकिएपछि आरसी ३२ फुटबल एकेडेमीले भने बढुवाको लागि प्रतिस्पर्धा गर्न सकेन।

आज आरसी३२ र ओलानिङ बोइज बढुवाको लागि अन्तिम प्रतिस्पर्धामा थिए। आरसी ३२ लाई जित चाहिएको थियो र उसले बढुवा सुरक्षित गर्नको लागि प्लानिङ बोइजले अन्तिम खेलमा अंक गुमाउने आशा गरेको थियो।

तर प्लानिङ बोइजले जित निकालेपछी उसले बढुवा पक्का गर्यो भने। आरसी ३२ सी डिभिजनमै रह्यो।

आज प्लानिङ ब्वाइजको जितमा फागुराम थारुले ह्याट्रिक तथा अर्जुनकुमार राना र ओमप्रकाश चौधरीले एक गोल गरे।

थारुले खेलको तेस्रो, आठौं र १६ औं मिनेटमा गोल गरेका थिए। ४३औं मिनेटमा राणाले गोल गरे थिए भने ८२औँ मिनेटमा चौधरीले पाँचौं गोल थपे।

प्लानिङले लिगमा नौ खेल जित निकालेको छ भने चार खेल बराबरी गरेको छ। लिगमा कुनै पनि खेल नहार्ने एक मात्र टोली हो प्लानिङ बोइज।

१२ खेलबाट ३१ अंक जोड्दै झापा ११ यश अघि नै बी डिभिजनमा बढुवा भइसकेको छ। यता, बिरगन्ज र ओएसिस भने सी डिभिजन क्वालिफायरमा घटुवा भएको छ।