गगन थापाले भने- विद्युतीय सवारीको आयातमा कर घटाऔं

नेपाली कांग्रेसका महामन्त्री गगन थापाले बजेटमार्फत इलेक्ट्रिक सवारीमा बढाइएको करको विरोध गरेका छन्।

नेपाल समय | बिहीबार, जेठ १९, २०७९

नेपाल समय

बिहीबार, जेठ १९, २०७९

काठमाडौं- नेपाली कांग्रेसका महामन्त्री गगन थापाले बजेटमार्फत इलेक्ट्रिक सवारीमा बढाइएको करको विरोध गरेका छन्।

बिहीबार प्रतिनिधिसभाको बैठकमा बजेट छलफलमा बोल्दै थापाले विद्युतीय सवारीमा लगाइएको करको विरोध जनाएका हुन्।

विद्युत खपतमा ऊर्जा मन्त्रालयले योजनाबद्ध रूपमा महत्त्वपूर्ण कार्यक्रम अगाडी सारेको अवस्थामा इलेक्ट्रिक गाडीलाई करको आँखाले हेर्न नहुने उनको भनाई छ।

‘हामीले पेट्रोलियम पदार्थको प्रयोग घटाउनुपर्ने समयमा इलेक्ट्रिक गाडीलाई महँगो र सस्तो भनेर छुट्याउनु गलत भएको छ,’ थापाले भने।

इलेक्ट्रिक गाडीलाई पनि भन्सार र अन्तःशुल्क बढाउनु गलत भएको थापाले बताए। पूर्ववर्ती सरकारले विद्युतीय सवारीमा लगाएको करको संसदमा आफूहरूले विरोध गरेको उल्लेख गर्दै यस विषयमा अर्थमन्त्रीले जवाफ दिनुपर्ने समेत थापाले बताए।