विश्वकपमा छनोट हुन वेल्स र युक्रेन भिड्ने

काठमाडौं-  रसिया र युक्रेन युद्धका कारण रोकिएको विश्वकप छनोटको एक प्लेअफ खेल बुधबार राति सम्पन्न भएको छ। स्कटल्यान्डविरुद्धको खेलमा युक्रेनले ३-१ को जित निकाल्दै प्ले अफको फाइनलमा स्थान बनाएको छ।

रसियाले युक्रेनमा युद्ध सुरु गरेका कारण यसअघि यी दुई टिमको खेल हुन सकेको थिएन। तर युक्रेनको टिमले विश्वकपको लागि तयारी भने गरिरहेको थियो। युक्रेन यो वर्ष कतारमा अयोजना हुने विश्वकप खेल्न चाहान्छ।

तर त्यसका लागि उसले प्ले अफको फाइनलमा वेल्सलाई हराउनु पर्ने भएको छ। युनाइटेड किंङडम अन्तर्गतको वेल्स विश्वकपको दाबेदार टिम हो। त्यसैले युक्रेनलाई विश्वकपमा पुग्न सहज भने छैन्। 

यी दुईटिमबीचको खेल आगामि जुन ५ मा हुनेछ। यो खेलमा जित निकाल्ने टिमले कतारमा हुने विश्कप खेल्न पाउनेछ। यता, १३ देश सहभागी रहने युरोपबाट १२ टिमको टुंगो लागिसकेको छ। प्ले अफबाटै पोर्चुगल र पोल्यान्डले विश्वकपमा स्थान बनाइसकेका छन्। यता इटाली भने प्ले अफबाट आउट भएको थियो।

बुधबार रातिको खेलमा स्कटल्यान्डविरुद्ध जित निकाल्नका लागि युक्रेनका योर्मोलेन्को, रोमन यारेमचुक र आर्टिम डोब्याकले गोल गरेका थिए।