पदक विजेता कुङ्फु खेलाडी सम्मानित

काठमाडौं- नेपाल उमा कुङफु संघले उमा (वर्ल्ड युनिफाइड मार्सल आर्ट्स) युरोपियन च्याम्पियनसिपका पदक विजेता खेलाडीलाई सोमबार सम्मान गरेको छ।

इङल्यान्डमा गएको मे १५ तारिखमा भएको प्रतियोगितामा २ खेलाडीले प्रतिस्पर्धा गरेका थिए। प्रतियोगितामा उनीहरुले नेपाललाई ३ स्वर्ण पदक दिलाएका थिए।

सञ्जयराज पुटुवारले छाङ छ्वान र वेपन गरी दोहोरो स्वर्ण जितेका थिए। भुपेन्द्र गुरुङले चाइनिज फर्मस्को छाङछ्वानमा पहिलो स्थान हात पारेका थिए। उनीहरुले आज संघले सम्मान गरेको हो।

सोही प्रतियोगितामा जजको भूमिका निर्वाह गरेका नेपाल उमा कुङफु संघका अध्यक्ष समेत रहेका अन्तर्राष्ट्रिय निर्णायक सिद्धार्थ लामा पनि सम्मानित भएका छन्।