इपीएल आयोजना गर्न नदिनुको कारण पेस गर्न सर्वोच्चको आदेश

काठमाडौं- एभरेस्ट प्रिमियर लिग (ईपीएल) आयाजना गर्न नदिनुको कारण पेस गर्न सर्वोच्च अदालतले नेपाल क्रिकेट संघ (क्यान) र राष्ट्रिय खेलकुद परिषदका नाममा आदेश जारी गरेको छ।

आयोजकले दायर गरेको रिटमाथि सुनुवाइ गर्दै सर्वोच्चका न्यायाधीश विश्वम्भरप्रसाद श्रेष्ठले क्यानका नाममा कारणदेखाउ आदेश दिएका हुन्। दायर गरेको मुद्दामा अदालतले कारणदेखाउ आदेश जारी गरेको छ।

नेपाल क्रिकेट संघ (क्यान)ले ईपीएल टी-२० क्रिकेट आयोजना अनुमति नदिएको भन्दै ईपीएलले सर्वोच्चमा रिट दायर गरेको थियो। 

ईपीएल आयोजकले राष्ट्रिय खेलकुद परिषद , नेपाल क्रिकेट संघ, क्यान अध्यक्ष चतुरबहादुर चन्द, युवा तथा खेलकुद मन्त्रालयलगायतलाई प्रतिपक्षी बनाउँदै सर्वोच्चमा रिट दायर गरेको थियो।