काठमाडौं- नेपाली राष्ट्रिय फुटबल टिमले आज कतारमा स्टिमोरसँग अभ्यास खेल खेल्दैछ। कतारमा हुने अभ्यास खेलमा नेपाली टिमको कप्तानी नवयुग श्रेष्ठले गर्नेछन्।
साथै आजको खेलमा नवयुगले कप्तानको रुपमा डेब्यु गर्न लागेका हुन्। दोहाको ग्रान्ड हमाद रंगशालामा हुने खेलमा नेपाल र सटिमोरको खेल राति पौने १० बजे सुरु हुने कतार फुटबल संघले जनाएको छ।
नेपाली टिमका सिनियर ११ खेलाडीलाई बाहिर राख्दै मूख्य प्रशिक्षक अब्दुल्लाह अलमुताइरीले युवा खेलाडीको नेपाली टिम निर्माण गरेका छन्। उनको प्रशिक्षणमा युवा टिमले पहिलो खेल खेल्न लागेको हो। तर यो खेल टिमोरको यू-२३ टिमसँग हुने अखिल नेपाल फुटबल संघ (एन्फा) ले जनाकारी दिएको हो।
नेपालले स्टिमोरपछि ओमनसँग पनि मैत्रीपूर्ण खेल खेल्नेकार्यक्रम रहेको छ। अब एसियन कपको छनोट खेल कुवेतमा हुनेछ। नेपाली टिम कतारबाट छनोट खेल्न कुवेत जानेछ। एसिया छनोटको खेल जुन ८ देखि १४ तारिखसम्म हुनेछ।
समूह ए मा नेपालसँगै जोर्डन, कुवेत र इन्डोनेसिया रहेका छन्। हरेक समूहको शीर्षस्थानमा रहने टिम अर्को वर्ष हुने एसिया कपका छनोट हुनेछ भने दोस्रो स्थानमा रहेका उत्कृष्ट पाँच टिमले पनि एसिया कप खेल्नेछन्।