१३ वटा सडक निर्माणमा भ्रष्टाचार गरेको अभियोगमा मुद्दा
काठमाडौं- अख्तियार दुरुपयोग अनुसन्धान आयोगले कैलालीको गोदावरी नगरपालिकामा विभिन्न १३ वटा सडक परियोजना निर्माणमा भ्रष्टाचार गरेको अभियोगमा तत्कालीन प्रमुख प्रशासकीय अधिकृतसहित सम्वद्ध अधिकारीविरुद्ध विशेष अदालतमा मुद्दा दायर गरेको छ।
निर्धारित शर्त तथा मापदण्ड विपरीत निर्माण कार्य गराइएको, वास्तविक कार्यभन्दा बढी परिमाण उल्लेख गरी भ्रष्टाचार गरेको पाइएको छ। आयोगले गोदावरी नगरपालिकाका तत्कालीन प्रमुख प्रशासकीय अधिकृत खेमराज विष्ट विरुद्ध रु सात लाख ६७ हजार ९८८ बराबरको बिगो दाबी गरेको छ।
सोही नगरपालिकाका तत्कालीन अर्का प्रमुख प्रशासकीय अधिकृत देवराज जोशी विरुद्ध रु २४ लाख ५१ हजार ५२६, तत्कालनि इञ्जिनीयर पूर्ण कुँवर विरुद्ध रु ३२ लाख १९ हजार ५१४, ल्याब टेक्निसियन धनबहादुर विष्ट विरुद्ध रु २९ लाख २८ हजार १६८ र निर्माण व्यवसायी कामी शेर्पा विरुद्ध रु २९ लाख २८ हजार २७४ बराबरको बिगो दाबी गर्दै मुद्दा दायर गरिएको छ।
कोसी प्रदेशमा आज सार्वजनिक बिदा
प्रदेश १ को नाम कोशी राख्न एमालेद्वारा प्रस्ताव दर्ता
प्रदेश १ ले आज नाम पाउँदै, कोशी हुने सम्भावना
बागमतीबाट पनि बाहिरियो राप्रपा
म्याग्दीका असला: पारखीलाई पुर्याउनै मुस्किल
सम्पर्क
फोन : +977-1-4790040/+977-1-4790242
इमेल : nepalsamayanews@gmail.com