धरानको मेयरमा स्वतन्त्र उम्मेदवार साम्पाङ जित नजिक

काठमाडौं- धरान उपमहानगरपालिकाको मेयर पदमा स्वतन्त्र उम्मेदवार हर्कराज राई (साम्पाङ) जित नजिक पुगेका छन्।

साम्पाङले १८ हजार ४ सय ७६ मत प्राप्त गर्दा उनलाई सत्ता गठबन्धनका उम्मेदवार किशोर राईले १४ हजार ९ सय ९६ मतसहित पछ्याइरहेका छन्। किशोर हर्कभन्दा ४ हजार १५९ मतले पछि छन्।

एमालेकी मञ्जु भण्डारीले १२ हजार १४३ मत प्राप्त गरेकी छिन्।

२० वडा रहेको धरानमा ६२ हजार ८९७ मत खसेको छ। हालसम्म ५८ हजार २७७ मत गणना भइसकेको छ। अब वडा नम्बर १६ र १७ को गरेर करिब ४ हजार ६ सय मतगणना हुन बाँकी छ। 

उपमेयरमा भने गठबन्धनका उम्मेदवार अइन्द्रबिक्रम बेघाको अग्रता छ। बेघाले १८ हजार ८६४ मत प्राप्त गरेका छन्। एमालेका उम्मेदवार पदमप्रसाद लिम्बुले १६ हजार ५८१ मत प्राप्त गरेका छन्। बेघाले २ हजार २८३ मतले अग्रता लिएका छन्।