सिन्धुपाल्चोकको इन्द्रावतीमा एमाले विजयी

सिन्धुपाल्चोकको इन्द्रावती गाउँपालिकाको अध्यक्षमा नेकपा एमालेका झम्कनाथ नेपाल ७ हजार १२७ मत ल्याएर विजयी भएका छन्। उनका निकटतम प्रतिद्वन्द्वी नेपाली कांग्रेसका विकास लामाले ६ हजार १५२ मत ल्याएका छन्। 

२०७४ सालको स्थानीय चुनावमा हारेका नेपाललाई पार्टीले पुनः उनलाई नै अध्यक्षमा उठाएको थियो। उनी अघिल्लो चुनावमा नेपाली कांग्रेसका वंशलाल तामाङसँग पराजित भएका हुन्। सो पालिकामा माओवादी केन्द्र भने तेस्रो भएको छ। माओवादी केन्द्रका ठूलोबाबु श्रेष्ठले ४१३४ मत प्राप्त गरेका छन्।

गाउँपालिकाको उपाध्यक्षमा पनि एमालेकै शोभना तामाङ निर्वाचित भएकी छिन्। उनले ६५१३ मत प्राप्त गरिन्। उनकी निकटतम प्रतिद्वन्द्वी कांग्रेसकी दयाकुमारी मिश्र ६४६३ मत प्राप्त गरेकी छिन्।

गाउँपालिकाको वडा नम्बर १, ३, ५, ६ र ९ गरी पाँच वडामा एमालेले जितेको छ भने कांग्रेसले २, ४, ८, १० र ११ गरी पाँचै वडा र माओवादी केन्द्रले ७ र १२ गरी दुई वटा अध्यक्षमा विजयी भएको छ।