भोजपुरको षडानन्दमा रोचक परिणाम : उदास र राईले लिए बदला

काठमाडौं– भोजपुरको षडानन्द नगरपालिकाको मेयरमा नेकपा एमाले र उपमेयरमा नेकपा माओवादी केन्द्र विजयी भएको छ।

मंगलबार मध्यान्ह सार्वजनिक मतपरिणाम अनुसार नगरपालिकाको मेयरमा सुरेन्द्र उदास निर्वाचित भएका छन्। उपमेयरमा माओवादीकी प्रमिला राई निर्वाचित भएकी छन्। 

उदासले ६ हजार ९० मत प्राप्त गरी विजयी भएका हुन्। उनका निटकतम प्रतिद्वन्दी नेपाली कांग्रेसका वीरवल राईले ५ हजार २८७ मत ल्याए। उपमेयरमा निर्वाचित प्रमिलाले ६ हजार ६३१ मत ल्याइन्। उनकी निकतम प्रतिस्पर्धी मेरिका राईले ३ हजार ९६२ मत प्राप्त गरिन्।

पराजित दुवै उम्मेदवार निवर्तमान मेयर र उपमेयर हुन्। रोचक त के छ भने उदास र राईले २०७४ सालको बदला वीरवल र मेरिकासँग लिएका छन्। अघिल्लो निर्वाचनमा वीरवलसँग उदास र मेरिकासँग प्रमिला पराजित भएका थिए।