दलका प्रतिनिधि नआउँदा वीरगञ्जमा सुरु हुन सकेन मतगणना, पोखरामा पनि अलमल

राजनीतिक दलका प्रतिनिधि नआउँदा वीरगञ्ज महानगरपालिकाको मत गणनामा ढिलाइ हुने भएको छ।

नेपाल समय | शनिबार, वैशाख ३१, २०७९

नेपाल समय

शनिबार, वैशाख ३१, २०७९

दलका प्रतिनिधि नआउँदा वीरगञ्जमा सुरु हुन सकेन मतगणना, पोखरामा पनि अलमल

काठमाडौं– राजनीतिक दलका प्रतिनिधि नआउँदा वीरगञ्ज महानगरपालिकाको मत गणनामा ढिलाइ हुने भएको छ। मुख्य निर्वाचन अधिकृतको कार्यालयले दिएको जनकारीनुसार बिहान ११ बजेदेखि मतगणना सुरु हुने भनिए पनि हालसम्म पनि मतगणना सुरु भएको छैन।

वीरगञ्ज महागरपालिकमा ३२ वडा रहेका छन्। शुक्रबार सम्पन्न निर्वाचनमा कुल ९३ हजार ७ सय ८२ अर्थात ७५.२४ प्रतिशत मत खसेको थियो। दलका प्रतिनिधिहरुले गरेको ढिलाइका कारण ८ बजे राखिएको सर्वदलीय बैठ नै डेढ घण्टा ढिला गरी बसेको थियो। सर्वदलीय बैठकले मतगणनामा आउन सक्ने विवाद समाधानका लागि २२ बुँदे निर्णय गरेको छ।

उता पोखरामा पनि गणना सुरु हुन सकेको छैन। सर्वदलीय बैठक बसे पनि मतपेटिकाको सर्टिङ (मिलाउने काम) सुरु नभएको मेयरका स्वतन्त्र उम्मेदवार गनेश पौडेलले जनाएका छन्। २ बजेअघि मतगणना हुने लक्षण नदेखिएको उनले जनाएका छन्।

प्रकाशित: May 14, 2022| 12:21 शनिबार, वैशाख ३१, २०७९