रुपन्देहीमा ७४ प्रतिशत मतदान, बुटवलको गणना १२ बजेदेखि

बुटवल- रुपन्देहीमा ७४ प्रतिशत मत खसेकाे निर्वाचन कार्यालयले जनाएकाे छ। १ उपमहानगर, ५ नगरपालिका र १० गाउँपालिका रहेकाे यहाँ अबेरसम्म मतदान भएकाे थियाे।

जिल्ला निर्वाचन कार्यालयका अनुसार ७४ प्रतिशत मत खसेकाे प्रारम्भिक विवरण आएकाे जनाएकाे छ। सबै पालिकाहरूले विवरढ नपठाएकाले यथार्थ विवरण आउन नसकेकाे निर्वाचन प्रमुख अयाेध्याप्रसाद उपाध्यायले बताए।

धेरैजसाे पालिकाहरूमा आजै रातिबाट मतगणनाकाे तयारी थालिएको छ। बुटवल उपमहानगरपालिकामा १२ बजेबाट मतगणना सुरू हुने निर्वाचन अधिकृत लेखनाथ पाैडेलले जानकमरी दिए। उनले केही बेरमा सर्वदलीय बैठक बसेर मतगणना कसरी गर्ने भन्ने टुंगो लगाउने बताए। बुटवलमा वडा न १ र १९ बाट शुरू गर्ने तयारी भइरहेकाे छ। यद्यपि यसमा दलहरूकाे सहमति हुन बाँकी छ।  

बुटवल उपमहानगरमा मतगणनास्थललाई सुरक्षित बनाउन तारजालीले ढाकिएकाे छ। त्यस्तै सिद्धार्थ नगरपालिकामा साढे ११ बजेदेखि गणना सुरु गर्ने मुख्य निर्वाचन अधिकृत धनसिंह महराले बताए।