भरतपुरको मतगणना राति १२ बजेबाट

भरतपुर महानगरको मतगणना आजै राति १२ बजेबाट सुरु गरिने भएको छ। मतगणना गर्न राति ९ बजे सर्वदलीय बैठक बोलाइएको छ।

नेपाल समय | शुक्रबार, वैशाख ३०, २०७९

नेपाल समय

शुक्रबार, वैशाख ३०, २०७९

भरतपुर महानगरपालिकाको मतगणनास्थल

काठमाडौं– भरतपुर महानगरको मतगणना आजै राति १२ बजेबाट सुरु गरिने भएको छ। मतगणना गर्न राति ९ बजे सर्वदलीय बैठक बोलाइएको छ।

अहिले निर्वाचन सकिएर मतपेटिका संकलन गर्ने काम भइरहेको मुख्य निर्वाचन कार्यालय भरतपुरले जानकारी दिएको छ।

भरतपुरको मेयरमा सत्ता गठबन्धनबाट माओवादी केन्द्रकी रेणु दाहाल र नेकपा एमालेबाट विजय सुवेदी उम्मेदवार छन्।

महानगरमा बागी उम्मेदवार जगन्नाथ पौडेल पनि प्रतिस्पर्धामा छन्। कांग्रेसबाट टिकट नपाएपछि उनी स्वतन्त्र उठेका हुन्। यसअघि २०७४ सालको स्थानीय तह निर्वाचनमा कांग्रेसको समर्थनमा माओवादीकी उम्मेदवार रेणुले लै मेयरमा जितेकी थिइन्।

प्रकाशित: May 13, 2022| 18:57 शुक्रबार, वैशाख ३०, २०७९