रौतहटमा मतपेटिका लुटियो

काठमाडौं– रौतहटको यमुनामाई गाउँपालिका वडा नम्बर २ भिडियाही टोलमा स्थानीयले मतपेटिका लुटेका छन्। त्यहाँका स्थानीयले मतपेटिका लिएर खेतखेत भागेको बताइएको छ।

यमुनामाईमा जनता समाजवादी पार्टी, नेपाली कांग्रेस र नेकपा एमालेका कार्यकर्ताबीच पटकपटक झडप भएको थियो। मतदानस्थलमा हुलदंगा भएको र आक्रोसित भीडले मतदान केन्द्र कब्जामा लिएर मतदान भएको र बाँकी रहेको मतपत्र च्यात्नुका साथै मतपेटिका तोडफोड गरेका छन्।

त्यसक्रममा केहीले मतपेटिका समेत लिएर भागेका थिए। पानी हालेको अवस्थामा मतपेटिका बरामद भएको प्रहरीले जनाएको छ। दुवै स्थानमा मतदान रद्द गरिएको भएको निर्वाचन अधिकृतको कार्यालयले जनाएको छ।

आज भएको स्थानीय तह निर्वाचनका क्रममा मधेश प्रदेशका केही जिल्लामा हिंसात्मक झडप भएका छन्। केही स्थानमा मतदान अधिकृतले नै धाँधली गर्ने लागेपछि पदबाटै बर्खास्त गरिएको छ।