पाँचवटा पालिकामा मतदान स्थगित, विस्तृत विवरण आउँदै

काठमाडौं– आज शुक्रबार देशभरका ७५३ वटा स्थानीय तहमा मतदान भएकोमा पाँच वटा पालिकाका केही स्थानमा मतदान स्थगित भएको छ। कुल १० हजार ७५६ मतदानस्थलका २१ हजार ९५५ मतदान केन्द्रमध्ये पाँच ठाउँमा स्थगित भएको हो।

जुम्लाको गुठीचौर गाउँपालिका, काभ्रेको पाँचखाल नगरपालिका, सप्तरीको डाक्नेश्वरी नगरपालिका, रौतहटको फतुवा विजयपुर नगरपालिका र कपिलवस्तुको महाराजगञ्ज नगरपालिकामा मतदान स्थगित भएको निर्वाचन आयोगको प्रारम्भिक तथ्यांक छ। 

जुम्लाको गुठीचौर गाउँपालिका वडा नम्बर ३ को मतदान स्थगित भएको छ। काभ्रेको पाँचखाल नगरपालिका वडा नम्बर १३ को मतदान स्थगित भएको छ। 

सप्तरीको डाक्नेश्वरी नगरपालिका–२ मा पनि पुनः मतदान हुने भएको छ। त्यसैगरी रौतहटको फतुवा विजयपुर नगरपालिका वडा नम्बर ७ मा पनि मतदान स्थगित भएको छ।

कपिलवस्तुको महाराजगञ्ज नगरपालिकामा पनि मतदान स्थगित भएको छ। देशभरका निर्वाचन कार्यालयहरुबाट विवरण आइरहेको निर्वाचन आयोगले जनाएको छ। बिहान ७ बजेदेखि साँझ ५ बजेसम्म मतदानको समय तोकिएको थियो।