छाङरु र तिङ्करको मतदान अन्तिम चरणमा, हेलिकोप्टर मतपेटिका लिन भोलि जाने

दार्चुलाको व्याँस गाउँपालिकाको छाङरु र तिङ्करको मतदान अन्तिम चरणमा पुगेको छ। छाङरुमा २ सय ३१ मतदाता छन्। जसमध्ये दुई सय ४ मत खसिसकेको छ।

नेपाल समय | शुक्रबार, वैशाख ३०, २०७९

नेपाल समय

शुक्रबार, वैशाख ३०, २०७९

छाङरु र तिङ्करको मतदान अन्तिम चरणमा, हेलिकोप्टर मतपेटिका लिन भोलि जाने

काठमाडौं- दार्चुलाको व्याँस गाउँपालिकाको छाङरु र तिङ्करको मतदान अन्तिम चरणमा पुगेको छ। छाङरुमा २ सय ३१ मतदाता छन्। जसमध्ये दुई सय ४ मत खसिसकेको छ।

त्यस्तै तिङ्करमा मतदाता संख्या ३ सय ७५ छ, जसमध्ये १ सय २० मत खसिसकेको छ। जिल्ला प्रशासन कार्यालय दार्चुलाका प्रमुख (सीडीओ) दीर्घराज उपाध्यायले छाङरु र तिङ्करको मतदान सकिए पनि ढुवानी शनिबार बिहान मात्रै हुने बताएका छन्।

उनका अनुसार त्यहाँको मतपेटिका ढुवानी गर्न नेपाली सेनाको हेलिकोप्टर शनिबार मात्रै जाने भएको छ।

नेपाल-भारत सीमा कालापानी नजिकको गाउँ छाङरु र तिङ्कर जाने बाटो नहुँदा मतपेटिका हेलिकोप्टरमार्फत गणनास्थल पालिकाको कार्यालय सुनसेरा ल्याउन लागिएको हो

छाङरु र तिङ्करमा चुनावका लागि मतपत्र पनि हेलिकोप्टरमार्फत नै ढुवानी गरिएको थियो। व्याँस गाउँपालिकामा कुल ७ हजार ८ सय चार मतदाता छन्।

प्रकाशित: May 13, 2022| 14:46 शुक्रबार, वैशाख ३०, २०७९