काठमाडौं- दैलेखको आठबीस नगरपालिका-६ मा नेकपा एमाले र नेपाली कांग्रेसका कार्यकर्ताबीच झडप भएको छ। आठबीस नगरपालिका-६ स्थित भैरव माध्यमिक विद्यालयको मतदान केन्द्रमा उनीहरूबीच झडप भएको हो।
कांग्रेस कार्यकर्ता गणेशबहादुर शाही एक्लैले दर्जनौं भोट हालेपछि झडपको अवस्था सिर्जना भएको एमालेको आरोप छ।
झडपमा एमालेका आधा दर्जन बढी कार्यकर्ता घाइते भएका छन्। घाइते हुनेमा दुर्गा थापा, कल्पना थापा, कमल थापा, दिल्ली थापा, बलबहादुर थापालगायत रहेका छन्।
कांग्रेसका कार्यकर्ता पुरन पुरी, गणेश पुरी, गणेश बहादुर शाही, गगन शाही, हर्कनाथ योगीलगायतले आक्रमण गरेको एमालेको आरोप छ।
मतपिटेकाहरू भने सुरक्षित स्थानमा राखेर मतदान प्रक्रिया स्थगित गरिएको जिल्ला प्रहरी कार्यालय दैलेखले जनाएको छ।