काठमाडौं- वर्षाका कारण सिन्धुलीको तीनपाटक गाउँपालिका-२ भिमस्थानमा एक घण्टादेखि मतदान रोकिएको छ।
स्थानीयकाअनुसार करिब एक घण्टादेखि पानी परेपछि मतदान हुनसकेको छैन। मतदाताहरू मतदान केन्द्रसमेत रहेको श्री भवानी माविको भवनमा ओत लागेर बसिरहेकाको स्थानीय केदार श्रेष्ठले जानकारी दिए। वर्षा रोकिनासाथ मतदान पुनः सुरु हुने छ।
सिन्धुलीमा दिउँसो एक बजेसम्म ४० प्रतिशत मत खसेको छ। मुख्य निर्वाचन अधिकृतको कार्यालयका अनुसार नौ वटै स्थानीय तहमा गरी ४० प्रतिशत मत खसेको हो।