सप्तरीमा पनि कुटिए मतदान अधिकृत

डाक्नेश्वरी नगरपालिकाको-२ स्थित हरिरबा जनता मावि मतदानस्थलका सहायक अधिकृत विपिन यादवमाथि हातपात भएको हो।

नेपाल समय | शुक्रबार, वैशाख ३०, २०७९

नेपाल समय

शुक्रबार, वैशाख ३०, २०७९

सप्तरी- सप्तरीमा एक मतदान अधिकृतमाथि हातपात भएको छ। डाक्नेश्वरी नगरपालिकाको-२ स्थित हरिरबा जनता मावि मतदानस्थलका सहायक अधिकृत विपिन यादवमाथि हातपात भएको हो।

हजारभन्दा बढी मत खसिसकेको अवस्थामा केही व्यक्तिले एक्कासी तोडफोड र कर्मचारीमाथि कुटपिट सुरु गरेको निर्वाचन अधिकृत शम्भुनाथ मगरले बताए। उनले केकति कारणले उनीहरूले आक्रमण गरे र कुन दलका कार्यकर्ता हुन् भन्ने खुल्न नसकेको बताएका छन्।

तत्कालको लागि मतदान स्थगित गरिएको मगरले जानकारी दिए। उनले मतदानस्थलमा तोडफोड पनि भएको बताए।

प्रकाशित: May 13, 2022| 12:56 शुक्रबार, वैशाख ३०, २०७९