थबाङमा भएको झडपपछि सम्पर्कविहीन भएका दुई जना अझै बेपत्ता

रोल्पाको थबाङमा भएको झडपमा परी सम्पर्कविहीन भएका दुई जना अझै भेटिएका छैनन्।

नेपाल समय | शुक्रबार, वैशाख ३०, २०७९

नेपाल समय

शुक्रबार, वैशाख ३०, २०७९

थबाङमा भएको झडपपछि सम्पर्कविहीन भएका दुई जना अझै बेपत्ता

काठमाडौं- रोल्पाको थबाङमा भएको झडपमा परी सम्पर्कविहीन भएका दुई जना अझै भेटिएका छैनन्।

बिहीबार राति करिब ८ बजेतिर थबाङस्थित उवामा एमाले–कांग्रेस गठबन्धन र माओवादी केन्द्रका कार्यकर्ताबीच झडप भएको थियो। स्थानीय तह निर्वाचनको लागि मतदान केन्द्र व्यवस्थापन गरेर घर फर्कदै गरेका एमाले–कांग्रेसका कार्यक्रर्तालाई माओवादीका कार्यकर्ताले बाटो छेकेर आक्रमण गर्न खोज्दा दुई समूहबीच झडप भएको हो।

तर, झडपमा परेर सम्पर्कविहीन भएका तेलखोलाका २५ वर्षीय रमन घर्तीमगर र सोही ठाउँका २४ वर्षीय विस्तार घर्तीमगर अझैसम्म सम्पर्कमा नआएको प्रहरीले जनाएको छ।

उनीहरू आफन्तको सम्पर्कमा पनि नरहेको र खोजीकार्य भइरहेको जिल्ला प्रहरी प्रमुख विनोद घिमिरेले बताए।

घटनापछि थबाङ-४ तेलखोलाका साज्जन घर्ती र सोही ठाउँका बुद्धि रोकामगरलाई प्रहरीले नियन्त्रणमा लिएको छ।

अहिले घटनास्थलमा पुगेर सशस्त्र प्रहरीको एक टोलीले थप अनुसन्धान गरिरहेको र घटनाको यकिन विवरण आउन बाँकी रहेको प्रमुख जिल्ला अधिकारी नवराज सापकोटाले जानकारी दिए।

प्रकाशित: May 13, 2022| 12:48 शुक्रबार, वैशाख ३०, २०७९