वीरगञ्ज मेयर उम्मेदवार सरावगीलाई आयोगले सोध्यो २४ घण्टे स्पष्टीकरण

जनता समाजवादी पार्टीका वीरगञ्ज महानगर कमिटी अध्यक्ष ईश्वरचन्द्र यादवले उजुरी दिएपछि आयोगले सरावगीलाई २४ घन्टे स्पष्टीकरण सोधेको हो।

नेपाल समय | बिहीबार, वैशाख २९, २०७९

नेपाल समय

बिहीबार, वैशाख २९, २०७९

वीरगञ्ज मेयर उम्मेदवार सरावगीलाई आयोगले सोध्यो २४ घण्टे स्पष्टीकरण

काठमाडौं- वीरगञ्ज महानगरपालिकाका मेयर उम्मेदवार विजय सरावगीलाई निर्वाचन आयोगले स्पष्टीकरण सोधेको छ। मतदातालाई प्रभावित पार्न पैसा बाँडेको आरोप लागेपछि उनलाई स्पष्टीकरण सोधिएको निर्वाचन आयोगले जानकारी दिएको छ।

वैशाख २६ गते बेलुका साढे १२ बजे महानगरपालिकाको वडा नम्बर १६ को एक मतदाताको घरमा सरावगी गएका थिए। मत खरिद गर्न पैसा बाँडेको भन्दै जनता समाजवादीका समर्थकले होहल्ला गरेपछि उनी घरबाट निस्किएर भागेका थिए।

जनता समाजवादी पार्टीबाट मेयरमा जितेका उनी निर्वाचन अगाडि एमालेमा प्रवेश गरेका थिए।

प्रकाशित: May 12, 2022| 16:19 बिहीबार, वैशाख २९, २०७९