धर्मेन्द्र बास्तोला रिहा

नेपाल कम्युनिस्ट पार्टी (बहुमत)का संयोजक धर्मेन्द्र बास्तोला रिहा भएका छन्।

नेपाल समय | बिहीबार, वैशाख २९, २०७९

नेपाल समय

बिहीबार, वैशाख २९, २०७९

काठमाडौं- नेपाल कम्युनिस्ट पार्टी (बहुमत)का संयोजक धर्मेन्द्र बास्तोला रिहा भएका छन्।

चुनाव बिथोल्ने गतिविधि गर्न सक्ने आशंकामा बिहीबार बिहान ४ बजे दाङको भालुवाङबाट पक्राउ परेका बास्तोला रिहा भएका हुन्।

स्थानीय निर्वाचनको सुरक्षाको लागि भन्दै उनलाई नियन्त्रणमा लिइएको र सोधपुछपछि रिहा गरिएको प्रहरीले जनाएको छ।

बास्तोला सुर्खेतस्थित घर जाँदै गर्दा प्रक्राउ परेका थिए। चुनाव बहिष्कार गरेका उनले निर्वाचन बिथोल्ने गतिविधि गर्न सक्ने आशंकामा प्रहरीले बीचबाटोमै पक्राउ गरेको थियो।

चुनावकै विषयलाई लिएर नेत्रविक्रम चन्द विप्लव नेतृत्वको नेकपाबाट विभाजन भएर उनले केही दिन अघिमात्र पार्टी पुनर्गठन गरेका थिए।

प्रकाशित: May 12, 2022| 11:06 बिहीबार, वैशाख २९, २०७९