मधेस प्रदेशमा आज सार्वजनिक बिदा

जनकपुरधाम- मधेस सरकारले माता जानकीको जन्मोत्सव अर्थात जानकी नवमीको अवसरमा आज सार्वजनिक बिदा दिएको छ।

मुख्यमन्त्री लालबाबु राउतले विज्ञप्तिमार्फत आज प्रदेशमा सार्वजनिक बिदा दिएको जानकारी गराएका हुन्। जानकी नवमीको अवसरमा उनले शुभकामना पनि दिएका छन्।

जानकी नवमीले धार्मिक आस्थाका साथै जनकपुर र प्रदेशको गरिमालाई समेत विश्व स्तरमा स्थापित गर्ने भएको हुँदा यस पर्वको गरिमाको संरक्षण, सम्बर्द्धन र प्रचार प्रसारमा प्रदेश सरकार हरसम्भव प्रतिबद्ध रहँदै आएको मुख्यमन्त्री राउतले उल्लेख गरेका छन्।