काठमाडौं- काठमाडौंमा जारी छैटौं एनभीए राष्ट्रिय महिला तथा पुरुष भलिबल क्लब च्याम्पियनसिपमा मंगलबार टिपटप हेल्प नेपाल र आर्मीको विभागीय त्रिभुवन आर्मी क्लब विजयी भएका छन्।
मंगलबार दिउँसो सम्पन्न पुरुष तर्फको पहिलो खेलमा टिपटप हेल्प नेपालले गण्डकी प्रदेशलाई ३-२ को सेटमा पराजित गरेको हो।नेपाल भलिबल संघद्वारा आयोजित प्रतियोगिताको पुरुषमा टिपटप हेल्प नेपालले गण्डकी प्रदेशलाई १३–२५, २७–२५, २८–२६, १४–२५ र १५–१३ ले हरायो।
त्यस्तै, आजै भएको अर्को खेलमा आर्मीले गल्कोट स्पोर्ट्स क्लबलाई ३-० को सोझो सेटमा जित निकालेको छ। आर्मीले २५–१२, २५–११ र २५–२२ ले पन्छाएर तीन अंक जोडेको हो।