झापा फुटबल क्लब सी डिभिजनको शीर्षस्थानमा

काठमाडौं- सहिद स्मारक सी डिभिजन लिगका लगातार चार खेलमा जित निकाल्दै झापा फुटबल क्लब तालिकाको शीर्षस्थानमा छ। सातदोबाटोस्थित एन्फा कम्प्लेक्समा जारी लिगमा झापाले जितको लय कायम राख्दै शीर्ष स्थान सुरक्षित गरेको हो।

त्यस्तै, लिगमा दोस्रो स्थानको आरसी ३२ को पनि समान १२ अंक रहेको छ। आरसी ३२ र झापाको समान १२ अंक छ भने गोलअन्तर पनि समान ५–५ रहेको छ। दुबैले आठ गोल गरेर तीन गोलको सामना गरेका छन्।

१३ राउन्डसँग चल्ने लिगमा अहिले चौथो चरणका खेल सकिएका छन्। अहिलेसम्म आड अंक बनाएको प्लानिङ बोइज तेस्रो स्थानमा छ सानेपा, मनोहर र महाबीर क्रमश चौथो, पाँचौ र छैटौं स्थानमा छ। उनीहरुको क्रमशः ८, ७, ७ र ७ अंक रहेको छ।

तालिकाको पुछारमा रहेका ओएसीस र विरगंजको शून्य अंक रहेको छ। लिगको शीर्ष दुई टिम बी डिभिजन लिगमा पुग्नेछन्।