नेपाल र जिम्बावेबीचको खेल वर्षाका कारण स्थगित

काठमाडौं– नेपाल र जिम्बावेबीचको खेल प्रभावित बनेको छ। सोमबार दिउँसो कीर्तिपुरस्थित त्रिवि क्रिकेट मैदानमा जारी खेलको पाँचौं ओभर चलिरहेको अवस्थामा वर्षा सुरु भएपछि खेल केही समयका लागि रोकिएको थियो। करिब आधा घण्टापछि खेल सुरु हुने अवस्था आएपछि पुनः खेल सुरु भएको थियो।

तर, दुई ओभर घटाएर २ः२० मा खेल सुरु गर्ने भनिए पनि सोही समयमा पुनः वर्षा सुरु भएको थियो। त्यसपछि खेल स्थगित भएको हो।

यसअघि पनि सिरिजको पहिलो खेल स्थगित भएको थियो। पहिलो खेल नै स्थगित भएपछि नेपाल क्रिकेट संघ क्यानले शृंखलाको फर्म्याट नै बदलेर पहिले टी २० त्यसपछि मात्र एक दिवसीय प्रतियोगिता आयोजना गरेको थियो।

टी २० को पहिलो खेलमा नेपालले जिम्बावेसँग छ विकेटको हार बेहोरिसकेको छ।

आजको खेलमा पनि टस जितेर बलिङ गरिरहेको नेपालविरुद्ध जिम्बावेले चार ओभर तीन बलमा दुई विकेट गुमाएर ४८ रन बनाएको थियो।