आईपीएलमा आज दिल्लीले कोलकत्ताको सामना गर्दै

काठमाडौं- भारतमा जारी १५ औं संस्करणको इन्डियन प्रमियर लिग (आईपीएल)मा बिहीबार दिल्ली क्यापिटल्सले कोलकत्ता नाइट राइडर्ससँग खेल्दै छ। खेल नेपाली समय अनुसार  बेलुकी ७:४५ बजे मुमबईमा हुँदैछ। 

लिगमा संघर्ष गरिरहेका यी दुवै टिमलाई आजको खेल  जित्‍नैपर्ने दबाब रहेको छ। अघिल्लो चरणमा प्रवेश गर्नका लागि दुवै टिमलाई जित्‍नुपर्ने दबाब परेको हो। 

कोलकत्ताले आठ खेलमा मात्र छ अंक जोड्दै आठौं स्थानमका छ। त्यस्तै दिल्लीले सात खेलबाट ६ अंक बटुलेको छ। तालिकामा गुजरात टाइटान्स आठ खेलमा १४ अंकका साथ तालिकाको शीर्ष स्थानमा छ।