काठमाडौं- स्थानीय तहको निर्वाचनमा रसुवामा एक जना उम्मेदवारविरुद्ध दाबी विरोधको उजुरी परेको छ।
जिल्लाको उत्तरगया गाउँपालिका-३ मा कांग्रेसबाट दलित महिला सदस्यकी उम्मेदवार सुनिता सुनुवारविरुद्ध उजुरी परेको उत्तरगया गाउँपालिकाको निर्वाचन अधिकृत मुना अधिकारीले बताइन्।
सुनुवारकी प्रतिस्पर्धी नेकपा एमालेकी दलित सदस्यले उजुरी दिएकी छन्। उम्मेदवारी दर्ताको क्रममा सुनुवारले दलित भएको आधिकारीक पत्र नबुझाएको भन्दै उजुरी दिएको अधिकारीले बताइन्। प्राप्त दाबी विरोधमाथि छानविन गरिने उनले बताएकी छन्।
प्रकाशित: Apr 27, 2022| 11:21 बुधबार, वैशाख १४, २०७९
