उम्मेदवारी मनोनयन गर्नेको संख्या १ लाख ४७ हजार नाघ्यो

यही वैशाख ३० गते हुन लागेको स्थानीय चुनावका लागि उम्मेदवारी दर्ता गर्नेको संख्या १ लाख ४७ हजार नाघेको छ।

नेपाल समय | मंगलबार, वैशाख १३, २०७९

नेपाल समय

मंगलबार, वैशाख १३, २०७९

उम्मेदवारी मनोनयन गर्नेको संख्या १ लाख ४७ हजार नाघ्यो

काठमाडौं– यही वैशाख ३० गते हुन लागेको स्थानीय चुनावका लागि उम्मेदवारी दर्ता गर्नेको संख्या १ लाख ४७ हजार नाघेको छ। निर्वाचन आयोगमा अहिलेसम्म १ लाख ४७ हजार २७४ जना उम्मेदवारको विवरण प्राप्त भएको आयोगले जनाएको छ।

विभिन्न जिल्लाबाट विवरण आउने क्रम जारी रहेको आयोगले बताएको छ। आयोगले उम्मेदवारी दर्ता गर्न वैशाख ११ र १२ गते बिहान १० बजेदेखि साँझ ५ बजेसम्मको समय दिएको थियो।

देशभरमा ७५३ वटा स्थानीय तहको प्रमुखका लागि ३ हजार ४३० जनाको उम्मेदवारी परेको छ। प्रमुखमा ३ हजार ३६३, उपप्रमुखमा २ हजार ९७, उपाध्यक्षमा २ हजार ३८२, वडाध्यक्षमा ३४ हजार ३५७, महिला सदस्यमा २५ हजार ३४५, दलित महिला सदस्यमा २२ हजार ८९९ र सदस्यमा ५३ हजार ४०१ जनाको उम्मेदवारी परेको हो।

१ नम्बर प्रदेशमा २२ हजार ५४२, मधेश प्रदेशमा ३८ हजार ७८७, बागमती प्रदेशमा २४ हजार ३३, गण्डकी प्रदेशमा १२ हजार ७८७, लुम्बिनी प्रदेशमा २३ हजार ४९, कर्णाली प्रदेशमा १३ हजार ४०३ र सुदूरपश्चिम प्रदेशमा १२ हजार ६७३ जनाको उम्मेदवारी परेको हो।

प्रकाशित: Apr 26, 2022| 16:44 मंगलबार, वैशाख १३, २०७९