काठमाडौं- भारतमा पछिल्ला दिनमा पुन: कोरोना संक्रमितको संख्या बढ्न थालेको छ। भारतीय सञ्चारमा माध्यमका अनुसार सोमबार मात्रै भारतमा कोरोना भाइरसबाट ३० जनाले ज्यान गुमाएका छन्।
सो अवधिमा २ हजार ५ सय ४१ जना संक्रमित थपिएका छन्। अघिल्लो दिन भने २ हजार ५ सय ९३ जना संक्रमित थिए।
नयाँ संक्रमितमध्ये १ हजार ८३ जना दिल्लीका मात्रै हुन्। भारतमा अहिलेसम्म ४ करोड ३० लाख ६० हजार ८६ जना संक्रमित भइसकेका छन्।
संघीय स्वास्थ्य मन्त्रालयले भारतमा अहिले १६ हजार ५ सय २२ जना संक्रमित अवस्थामै रहेको जनाएको छ।
प्रकाशित: Apr 26, 2022| 08:30 मंगलबार, वैशाख १३, २०७९
