काठमाडौं- भक्तपुरमा सोमबार राति भएको दुर्घटनामा एक जनाको ज्यान गएको छ।
गएराति साढे १२ बजे थिमि नगरपालिकाको चारदोबाटोमा बा४ख ८५८१ नम्बरको टिपरले वाग्मती प्रदेश ०२–०२३ प ७७६९ नम्बरको स्कुटरलाई ठक्कर दिँदा स्कुटरका चालक काभ्रे घर भइ अहिले भक्तपुरको चाँगुनारायण बस्ने ३२ वर्षका ज्ञानेन्द्र मल्ल ठकुरीको ज्यान गएको प्रहरीले जनाएको छ।
घाइते ठकुरीको मध्यपुर थिमि अस्पतालमा उपचारका क्रममा ज्यान गएको हो। टिपर चालकलाई प्रहरीले पक्राउ गरेको छ।
प्रकाशित: Apr 26, 2022| 07:47 मंगलबार, वैशाख १३, २०७९
