काठमाडौं- कर्तव्य ज्यान मुद्दामा संलग्न रहेको अभियोगमा प्रहरीले तीन जनालाई पक्राउ गरेको छ।
पक्राउ पर्नेमा तनहुँ शुक्लागण्डकी नगरपालिका १० बस्ने ३८ वर्षीय बिमल सुनार, सोही नगरपालिका ८ बस्ने २५ वर्षीय सुशिल बिक र सोही नगरपालिका ३ बस्ने ४७ वर्षीय होम बहादुर बिक रहेका छन्।
शुक्लागण्डकी नगरपालिका ५ गल्छिना बस्ने २९ वर्षीय बिशाल ढुङगाना कबरस्थानस्थित पानी जमेको खोल्सामा मृत अवस्थामा फेला परेका थिए। घटना सम्बन्धमा थप अनुसन्धान गर्ने क्रममा संलग्न उनीहरुलाई प्रहरीले पक्राउ गरेको हो।
जिल्ला अदालत तनहुँबाट १२ दिन म्याद थप गरी आवश्यक अनुसन्धान भइरहेको प्रहरीले जनाएको छ।
प्रकाशित: Apr 26, 2022| 07:30 मंगलबार, वैशाख १३, २०७९
