बृहत राष्ट्रिय राजनीतिक सम्मेलन गर्दै विश्व आदिवासी दिवस मनाइने

काठमाडौं- नेपालका आदिवासीहरुले यस वर्ष भव्य रुपमा विश्व आदिवासी दिवस मनाउने घोषणा गरेका छन्।

संविधान संशोधनको माग गर्दै आएको महासंघले विश्व आदिवासीवासी दिवसको सन्दर्भमा साउन १९ र २० गते राजधानीमा ‘आदिवासी जनजाति वृहत राष्ट्रिय राजनीतिक सम्मेलन’ गर्ने कार्यक्रम सार्वजनिक गरेको छ। 

नेपालका आदिवासी जनजातिको नेतृत्व संस्था नेपाल आदिवासी जनजाति महासंघले काठमाडौंमा पत्रकार सम्मेलन गरेर २४ औं विश्व आदिवासी दिवस भव्य रुपमा मनाउने घोषणा गरेको हो । 

महासंघले दिवस लक्षित कार्यक्रममार्फत संविधान संशोधन गर्दै आदिवासी जानजातिको पहिचान सुनिश्चित गर्न माग गरिने बताइएको छ । विश्वभरका आदिवासीले हरेक वर्ष ९ अगष्टका दिन विश्व आदिवासी दिवस मनाउने गरेका छन्।