आइपिएलमा मुम्बईको लगातार आठौं हार, शीर्ष चारमा लखनौं

काठमाडौं- इन्डियन प्रिमियर लिग (आइपीएलमा) चार पटकको उपाधि विजेता मुम्बई इन्डियन्स जारी आईपीएलको आफ्नो आठौं खेलमा पनि पराजित भएको छ। लिगको आठौं खेलमा मुम्बईले लखनौंसँग ३६ रनको हार बेहोरेको हो।

लिगको सुरुबाटै निकै कमजोर खेलिरहेको मुम्बई दुई संस्कण अघिको विजेता समेत हो। उद्यपी उसले जित निकाल्न सकेको छैन्।

गएराति वांखडे रंगशालामा भएको खेलमा सुरुआति ब्याटिङ गरेको लखनौंले पुरा ओभर खेल्दै छ विकेटको क्षतिमा १६८ रन बनाएको थियो। जवाफमा मुम्बईले आठ विकेट गुमाएर १३२ रन मात्र बनाएपछि लखनौले जित निकालेको हो।

खेलका प्लेयर अफ दि म्याच रहेका केएल राहुलले ६२ बलमा अविजित १०३ रन बनाएका थिए। यसबाहेक मनिष पाण्डेले पनि २२ रनको योगदान दिए। अन्य खेलाडीले चाहिँ सम्झनलायक प्रदर्शन गरेनन्।

त्यसक्रममा मुम्बईका किइरोन पोलार्ड र रिलेय मेरेडिथले समान २–२ विकेट लिएका थिए।

जवाफी ब्याटिङ रोहित शर्माले सर्वाधिक ३९ र तिलक वर्माले ३८ रन बनाएका थिए। यसबाहेक अन्य खेलाडीले सम्झनलायका प्रदर्शन गरेनन्। बलिङतर्फ क्रुणल पाण्ड्याले तीन विकेट गिराएका थिए।

गएरातिको जितसँगै १० अंक बनाएको लखनौं भने लिगको चौथो स्थानमा उक्लिएको छ। यता लिग ताकालिकाको पुछारमा रहेको मुम्बईको शुन्य अंक छ।