बुटवलको जंगलमा दम्पतीको शव भेटियो

काठमाडौं– बुटवलको जंगलमा एक दम्पती मृत फेला परेका छन्। बुटवल उपमहानगरपालिका– ७ शिवनगरस्थित सामुदायिक वनमा उनीहरूको शव फेला परेको प्रहरीलले जनाएको छ।

मृत भेटिनेमा बुटवल उपमहानगरपालिका–११ बस्ने ६० वर्षीय काजीमान श्रेष्ठ र उनकी श्रीमती ५५ वर्षीया कमला श्रेष्ठ रहेका छन्। वैशाख ६ गते आफन्त भेट्न भन्दै घरबाट हिँडेका उनीहरू घर नफर्किएपछि खोजी गर्दै जाँदा आइतबार मृत फेला परेका हुन्। उनीहरूका छोराहरू वैदेशिक रोजगारीमा रहेको र घरमा छोरी तथा बुहारीसँग बस्दै आएको प्रहरीले जनाएको छ।

उनीहरूको शवनजिकै शिशाका बोतल, रक्सीलगायत वस्तु फेला परेको बताइएको छ। दम्पतीले आत्महत्या गरेको अनुमान प्रहरीको छ।