जनकपुरधाम- जनता समाजवादी पार्टी नेपालमा टिकट वितरणको विषयलाई लिएर कार्यकर्ताहरूबीच कुटाकुट भएको छ।
आसन्न स्थानीय तहको निर्वाचनमा उम्मेदवारी छनोट गर्न सकस भइरहेको समयमा जनता समाजवादी पार्टीमा टिकट वितरणलाई लिएर कुटाकुट भएको हो।
आइतबार बिहान जनकपुरधामस्थित होटेल राजदरवारमा बसेको बैठकमा टिकट वितरण विषयमा भएको विवादले उग्ररुप लिएको थियो। कुटपिटमा परी जसपाका केन्द्रीय कार्यकारिणी सदस्य गजाधर रोहिता यादव, जसपा निकट विद्यार्थीका प्रदेश उपाध्यक्ष विकास यादवसहित १० जना नेता तथा कार्यकर्ता घाइते भएका छन्।
धनुषाको गणेशमान चारनाथ नगरपालिकाका मेयर समेत रहको रामबाबु यादव, हँसपुर नगरपालिकाको टिकटका लागि रामनारायण कापडि र शहिदनगर नगरपालिकाको टिकटको लागि बरुण यादवले नपाएको भन्दै आक्रोशित समर्थकले विवाद निकाल्दै नेतामाथि हातपात गरेका थिए।