कांग्रेस छाडेका नेता मातृका यादव जसपा प्रवेश, सिद्वार्थनगरमा मेयर उठने

वुटवल- कांग्रेसले मेयरको टिकट नदिएपछि नेता मातृकाप्रसाद यादव जनता समाजवादी पार्टी प्रवेश गरेका छन्। 

रूपन्देहीको सिद्वार्थनगरमा मेयरको टिकट पाउने निश्चित भएपछि यादव जसपा प्रवेश गरेका हुन्। 

शुक्रबार लुम्बिनी प्रदेशका भौतिक पूर्वाधार विकास मन्त्री सहसराम यादवले उनलाई पार्टी प्रवेश गराएका हुन्।

स्थानीय तहको टिकट वितरणमा नेपाली कांग्रेसले पूरानो नेतालाई भन्दा नवप्रवेशीलाई प्राथमिकता दिएको भन्दै उनले पार्टी परित्याग गरेको बताएका छन्। उनी रूपन्देहीको भैरहवास्थित सिद्वार्थनगर नगरपालिकामा मेयरका आकांक्षी थिए। 

उनी कांग्रेसबाट अघिल्लो निर्वाचनमा पनि प्रत्यासी थिए। यादव जसपा प्रवेश गरेपछि उनी अब सोही पार्टीबाट नगर प्रमुख पदको उम्मेदवार हुने जनता समाजवादी पार्टीका नेता किस्मत विश्वकर्माले जानकारी दिए।