ईपीएलमा चेल्सीविरुद्ध आर्सनलको जित, म्यानचेस्टर सिटी फेरि शीर्षस्थानमा

काठमाडौं- इंग्लिस प्रिमियर लिग (ईपीएल) को बुधबार राति सम्पन्न खेलमा चेल्सीविरुद्ध आर्सनलले जित निकालेको छ। चेल्सीको घरेलु मैदान स्टामफर्ड ब्रिजमा भएको खेलमा पाहुना टिम आर्सनलले ४-२ को जित निकालेको हो।

आर्सनलको जितमा इड्डी एककेइटाहले दोहोरो गोल गरेका थिए भने इमिली स्मिर रोवी र बुकायो साकाले समाना १-१ गोल गरे। यता चेल्सीका टिमा वार्नरले १७औं मिनेटमा र सेसर एप्लिक्वेटाले ३२औं मिनेटमा गोल गर्दै खेललाई बराबरीमा ल्याए पछि पहिलो हाफ २-२ गोलको बराबरीमा रोकिएको थियो।

दोस्रो हाफमा दुई गोल थप्दै आर्सनलले जित निकालेको हो।

बुधबार राति नै सम्पन्न भएको अर्को खेलमा ब्राइटनविरुद्ध जित निकालेको म्यानचेस्टर सिटी ईपीएलको शीर्षस्थानमा उक्लिएको छ। लगातार शीर्षमा रहेको सिटीलाई पछि पार्दै मंगलबार लिभरपुल शीर्षस्थानमा उक्लिएको थियो।

फेरि गएरातिको खेलमा ब्राइटोनमाथि ३-० को जित निकाल्दै सिटी शीर्षस्थानमा उक्लिएको हो। सिटीले अहिले ३२ खेलबाट ७७ अंक जोडेको छ। त्यस्तै, दोस्रो स्थानमो लिभरपुलको एक अंक कम छ।

यता चेल्सीविरुद्ध जित निकलोको आर्सनलको चाहिँ ५७ अंक रहेको छ। गएराति हार बेहोरे पनि तेस्रो स्थानमा कायम चेल्सीले ३१ खेलबाट ६२ अंक जोडेको छ।

यता ब्राइटनको भने ४० अंक रहेको छ। गएरातिकै खेलमा न्युकासलले क्रिस्टल प्यालेसविरुद्ध १–० को जित निकालेको थियो।