सलाहको दोहोरो गोलमा युनाइटेडविरुद्ध लिभरपुलको सानदार जित

काठमाडौं– इंग्लिस प्रिमियर लिग (ईपीएल) अन्तर्गत मंगलबार राति सम्पन्न भएको खेलमा लिभपरपुले सानदार जित निकालेको छ। एनफिल्ड रंगशालामा भएको खेलमा घरेलु टिम लिभरपुलले युनाइटेडमाथि ४–० गोलको जित निकालेको हो।

लिभपरपुलको जितका लागि मोहम्मद सलाहले दोहोरो गोल गरे। उनले खेलको २२ औं र ८५औं मिनेटमा गोल गरेका थिए। खेलको खेलको पाँचौँ मिनेटमै लुईस डियाजले गोल गरेर युनाइटेडविरुद्ध अग्रता बनाएका थिए।

त्यस्तै, दोस्रो हाफको पहिलो गोल भने साडियो मानेले गरे। उनले खेलको ६८औं मिनेटमा गोल गरेकाथिए।

यो जितसँगै लिभरपुल अक्टोबरयता पहिलो पटक अंकतालिकाको शीर्षस्थानमा पुगेको छ। तर एक खेल कप खेलेको म्यानचेस्टर सिटी लिभरपुलभन्दा दुई अंकले मात्र पछि छ। यसकारण अहिले लिगको उपाधिमा लिभरपुल र सिटीको निकै रोचक प्रतिस्पर्धा भइरहेको छ।

यता, शीर्ष चारको लागि संघर्ष गरिरहेको युनाइटेडले भने ३३ खेलबाट ५४ अंक जोडेको छ। ऊ अहिले छैटौं स्थानमा छ। चैथो स्थानको टोटेनहमले ३२ खेलबाट ५७ अंक बनाउँदा आर्सनलेले ३१ खेलबाट ५४ अंक जोडेको छ।