रोनाल्डोका नवजात जुम्ल्याहा मध्ये एक बच्चाको मृत्यु

काठमाडौं- फुटबलका स्टार खेलाडी क्रिस्टियोना रोनाल्डोको जुम्ल्याहामध्ये एक सन्तान मृत जन्मिएको छ। पोर्चुगल तथा म्याचेस्टर युनाइटेडका सट्राइकर रोनाल्डो र उनकी प्रेमिकाले सूचना सर्वजनिक गर्दै आफ्नो एक सन्तान मृत जन्मिएको जानकारी दिएका हुन्।

रोनाल्डो र उनी प्रेमिका जोजिना रोड्रिग्वेले केहि महिना अघि नै आफ्नो जुम्ल्याहा सन्तान हुने घोषणा गरेका थिए। उनीहरुले अस्पतालको रिपोर्ट सामाजिक सञ्जालमा पोस्ट गर्दै जुम्ल्याहा सन्तानको अपेक्षा गरेका थिए।

तर जन्मिएका एक छोरा र एक छोरीमध्ये छोरा मृत पाइएको हो। ‘यो घटनाले हामीलाई सबैभन्दा ठूलो दुःख महसुस भएको छ,’ उनीहरुले पत्रमा लेखेका छन्। 

'दुई मध्ये छोरी बाचिन्, यसले हामीलाई केही आशा र खुशीका साथ बाँच्न बल दिएको छ,' उनीहरुले एक विज्ञप्ति निकालेर भनेका छन्।

उनीहरुले गएको अक्टोबरमा जोजिना गर्भवति रहेको जानकारी सामाजिक सञ्जालबाट दिएको थिए। तर छोराको मृत जन्मिएपछि उनीहरुले लेखेका छन्, 'हामी यो क्षतिबाट क्षतविक्षत भएका छौं र हामी केहि गोपनियता चहान्छौं।,'  'हाम्रो बेबी वोइ, तिमी हाम्रो एन्जल हौ। हामी तिमीलाई सँधै सम्झिरहने छौं,' रोनाल्डोले सामाजिक सञ्जालमा लेखेका छन्।