नेयमार र एम्बाप्पेको गोलमा पीएसजीको जित

काठमाडौं- ब्राजिलियन फरवार्ड नेयमार र केलियन एम्बाप्पेको गोलमा पीएसजीले जित निकालेको छ। लिग वानअन्तर्गत आइतबार राति सम्पन्न भएको खेलमा पीएसजीले निकट प्रतिद्वन्द्वी मार्सेमाथि २-१ को जित निकालेको हो।

लि क्लासिक नामले चिनिने यो खेल फ्रान्सको घरेलु फुटबलमा सबैभन्दा प्रतिस्पर्धात्मक मानिन्छ। तर पीएसजीले आफ्नो घरेलु मैदानमा मार्सेका समर्थकलाई भने प्रवेक दिएको थिएन।

खेलको क्रममा १२औं मिनेटमै गोल गर्दै नेयमारले खेलमा अग्रता बनाएका थिए। तर खेलको ३१औं मिनेटमा मार्सेका डुजी क्यालेटाले गोल गरेर खेललाई बराबरीमा ल्याए।

तर खेलको ४५औं मिनेटमा पीएसजीले पेनाल्टी पायो। पेनाल्टीमा पाएको अवसरको सदुपयोग गर्दै पीएसजीले जित निकालेको हो। यसपटक केलियन एम्बाप्पेले गोल गरेका थिए।

यो जितसँगै पीएसजीले शीर्षस्थानमा १४ अंकका अग्रता बनाएको छ। लिगमा दोस्रो स्थानमा रहेको मार्सेको ५९ अंक छ।