डोटी- बुडरमा जिप र मिनिट्रक ठोक्किँदा सात जना घाइते भएका छन्। बुडर नजिक कालोवन मोडमा अछामबाट धनगढीतर्फ आउँदै गरेको सुपप्र ०१ ००१ च २९७१ नम्बर जिप र विपरित दिशाबाट आइरहेको सुपप्र ०१ ००१ ख ३३८३ नम्बरको मिनिट्रक ठोक्किँदा शुक्रबार दुर्घटना भएको हो।
जिपमा सवार सात जना सामान्य घाइते भएको र उनीहरूको उपचारका लागि धनगढी पठाइएको प्रदेश ट्राफिक प्रहरी कार्यालय अत्तरियाले जनाएको छ। उनीहरूको उपचार भइरहेको छ।