काठमाडौं- शुक्रबार अपराह्न भएको बस दुर्घटनामा घाइते भएकामध्ये दुई जनाको ज्यान गएको छ। ज्यान गुमाउनेमा एक जना बालकसमेत रहेका छन्।
शुक्रबार साँझ रैनादेवि छहरा गाउँपालिकास्थित भित्री सडकमा भएको बस दुर्घटनामा परी रैनादेवि गाउँपालिका–६ धारापानीका ४२ वर्षीय वेदबहादुर जिसी र सोही स्थानका होमबहादुर रासकोटीका ७ वर्षीय छोरा अशोक रासकोटीको मृत्यु भएको हो।
जिसी बस धनी र चालकसमेत रहेको प्रहरीले जनाएको छ। घटनामा चार जना बालक गम्भीर घाइते भएका छन्।
सोही वडाको पानीडाँडाबाट जुठापानीतर्फ जाँदै गरेको गु१ख ४९०९ नम्बरको बस सडकदेखि करिब चार सय मिटर तल खसेको थियो।
जिल्ला प्रहरी कार्यालय पाल्पाका अनुसार गम्भीर घाइते हुनेहरू मध्ये तीन जनाको लुम्बिनी मेडिकल कलेज पाल्पा प्रभासमा उपचार भइरहेको र एक जनालाई भैरहवा रिफर गरिएको छ।
प्रकाशित: Apr 16, 2022| 07:00 शनिबार, वैशाख ३, २०७९
