कांग्रेसको उत्कृष्ट चुनावी गीतलाई दुई लाख ७५ हजार पुरस्कार

काठमाडौं- नेपाली कांग्रेसले आफ्नो पार्टीको पक्षमा उत्कृत्ट चुनावी गीतका लागि दुई लाख ७५ हजार रुपैयाँ पुरस्कार दिने भएको छ। 

पार्टी प्रवक्ता डा. प्रकाश शरण महत संयोजक रहेको स्थानीय तह निर्वाचन केन्द्रीय प्रचार–प्रसार समिति अन्तर्गत रहेको सांस्कृतिक समन्वय उपसमितिले उक्त गीतको मूल्याकंन गर्ने जनाइएको छ। 

उपसमिति संयोजक डीबी गुरुङले शुक्रबार एक विज्ञप्ति जारी गर्दै भनेका छन्, 'आसन्‍न स्थानीय निर्वाचनलाई लक्षित गरी नेपाली कांग्रेसको पक्षमा चुनावी गीतहरु (अडियो÷भिडियो) निर्माण गरी प्रचार–प्रसार भैरहेको गीत नेपाली कांग्रेस केन्द्रीय प्रचार–प्रसार सांस्कृतिक समन्वय उपसमितिको फेसबुक म्यासेन्जरमा लिंक गरी पठाइदिनुभएमा दर्शक, श्रोता तथा छनोट समितिको निर्णय बमोजिम पार्टीको पक्षमा तयार पारिएको उत्कृष्ट गीतलाई रु २,७५ ०००।– (अक्षेरुपी  दुईलाख पचहत्तर हजार रुपैयाँ मात्र) धनराशीबाट पुरस्कृत गरिने ब्यहोरा सम्पूर्ण लोकतन्त्रवादी कलाकारहरुमा जानकारी गराउँदछु।'