१२० किलो गाँजा बरामद

मोरङ प्रहरीले भारतीय सीमा नजिकैबाट १ सय २० किलो गाँजा बरामद गरेको छ। भ्यानमा खानतलासी गर्दा १ सय २० किलो गाँजा बरामद भएको प्रहरीले जनाएको छ।

नेपाल समय | बिहीबार, वैशाख १, २०७९

नेपाल समय

बिहीबार, वैशाख १, २०७९

विराटनगर- मोरङ प्रहरीले भारतीय सीमा नजिकैबाट १ सय २० किलो गाँजा बरामद गरेको छ। भ्यानमा खानतलासी गर्दा १ सय २० किलो गाँजा बरामद भएको प्रहरीले जनाएको छ।

बुधबार राति १० बजे विराटनगर-१८ फोरलाइनस्थित इलाका प्रहरी कार्यालय बुधनगरबाट खटिएको टोलीले उक्त गाँजा बरामद गरेको हो। प्रहरीको जाँच स्थलभन्दा करिब सय मिटर अगाडि को१च ५३१८ नम्बरको सेतो रंगको भ्यान रोकी चालक फरार भएको प्रहरीले जनाएको छ।

प्रहरीका अनुसार निलो त्रिपालले छोपिएको भ्यानको खानतलासी गर्दा तीन सेतो बोरामा प्याकिङ गरिएको उक्त गाँजा, २६ पोकामा ५ सय ५४ किलो अदुवा र ६ पोकामा ४५ किलो धानको भुस बरामद भएको हो। गाँजा र अदुवालाई भुसले छोपेर राखिएको प्रहरीले जनाएको छ।

प्रहरीले चालकको खोजी गर्नुका साथै घटनाबारे अनुसन्धान गरिरहेको जनाएको छ।

प्रकाशित: Apr 14, 2022| 11:58 बिहीबार, वैशाख १, २०७९