काठमाडौं- केहीबेर धुम्मिएको काठमाडौं उपत्यकाको मौसम सफा भएको छ। बिहीबार बिहान हल्का वर्षा भए पनि मौसममा क्रमिक सुधार देखिएको छ।
मौसम पूर्वानुमान महाशाखाका अनुसार बिहान सात बजेपछि दक्षिण पश्चिमी क्षेत्रबाट उत्तर पूर्वी क्षेत्रमा बहिरहेको कालो बादलको असरका कारण केहीबेर मौसम धुम्म भएको थियो।
उपत्यकाका केही ठाउँमा हल्का वर्षासमेत भएको थियो। अहिले यो बादलको प्रभाव हटेकाले मौसम सफा भएको महाशाखाले जनाएको छ।
आज पहाडी क्षेत्रको मौसम आंशिकदेखि सामान्य बद्ली हुने पूर्वानुमान गरिएको छ। आज पहाडी क्षेत्रका एक/दुई ठाउँमा दिउँसोपछि मेघगर्जनसहित हल्का वर्षाको सम्भावना रहेको छ।
प्रकाशित: Apr 14, 2022| 09:50 बिहीबार, वैशाख १, २०७९
