सल्यान- कपुरकोट गाउँपालिकामा चट्याङ लागेर एकै परिवारका तीन जना घाइते भएका छन्।
कपुरकोट गाउँपालिका-४ धनवांगस्थित थापा टोलमा चट्याङ लागेर ६६ वर्षीय आशाराम थापा, उनकी श्रीमती ६५ वर्षीया गंगी थापा र उनका १२ वर्षीय नाती दिनेश थापा घाइते भएका हुन्।
घरमै सुतिरहेको बेला बिहीबार बिहान करिब ३ बजेतिर उनीहरूमाथि चट्याङ परेको थियो। घाइतेहरूको उद्धार गरी उपचारका लागि दाङ पठाइएको जिल्ला प्रहरी कार्यालय सल्यानले जनाएको छ।
चट्याङ लागेर थापाका एउटा गोरु र १४ वटा कुखुरा मरेको प्रहरीले जनाएको छ।
प्रकाशित: Apr 14, 2022| 09:30 बिहीबार, वैशाख १, २०७९
